الكاتبة - الشاعرة : رضى الحكمي

يامرحبا باللي نبض روحي إليك

والقلب واحساسي مع شعوري بعد

انت الحبيب اللي بروحي افتديك

وانت الذي في الحب اعطيتك وعد

من كثر ما احبك احب امك وأبيك

يا أغلى أماني العمر ياوجه السعد

في غيبتك ان طولت موتي وشيك

عجل  بوصلك واقفل لباب البعد

احسب ثواني البعد عني واحتريك 

واسمع لنبض الحب صوته كالرعد

من بين كل الخلق قلبي مصطفيك

ابيع كل الناس لجلك مستعد

واشري لوصلك بالعمر كاش(ن) وشيك

محد(ن) على عرش القلب غيرك صعد

اموت في عشقك وحبك واهتويك

ياراحتي بعد المعاناة والكَبَد

محتاجة وصلك يرحم الله والديك

لاتوفر لأية وسيلة او جهد

بمسك لكفينك مع كلتا يديك

واعطيك عهد الحب واوفي بالعهد

انت الحياه اللي بعمرررري اشتريك

ياغايتي مالي سوا حببببك احــــد

لو كان لي جنحان صدقني بجيك

واخذك من دارك واهلك والــــبلد

حاولت انسى وقال قلبي ويش فيك

ياكيف تنسى وتفرح أصحاب الحسد

مهما يطول البعد قلبي مانسيك

يامن هواه بنبض روحي متحد